January 29, 2023
photo-feature-Tiger Butterfly by Pratik More
Home » Photo Feature : रुईकर फुलपाखरे…
फोटो फिचर शेती पर्यावरण ग्रामीण विकास

Photo Feature : रुईकर फुलपाखरे…

अति पावसाच्या काळात ही फुलपाखरे जास्त पावसाच्या प्रदेशातून कमी पावसाकडे प्रयाण करतात. संध्याकाळच्या वेळी यांचे एकत्रित अनेक फुलपाखरं असणारे थवे आपल्याला झाडांवर विश्रांती घेताना दिसू शकतात. खुळखुळा प्रजातींच्या वनस्पतींशी या कुळाचे विशेष नाते आहे. खुळखुळा वनस्पतीच्या विविध भागातून रसायने मिळवण्यासाठी टायगर आणि क्रो फुलपाखरे जमा झालेली दिसतात.

प्रतिक मोरे, पर्यावरण अभ्यासक

रुईकर नावाने ओळखली जाणारी ही फुलपाखरे रुई आणि तत्सम मिल्कविड प्रजातींच्या झाडांना आपली खाद्य वनस्पती बनवतात. या Apocynaceae कुळातील वनस्पती अल्कलॉइड सारख्या रसायनांनी युक्त असतात. सुरवंट अवस्थेत ही रसायने शरीरात साचवून टायगर कुळातील फुलपाखरे विषारी किंवा खाण्यास बेचव (उलटी आणणारे) बनतात. यामुळे बहुतेक भक्षक यांना खाणे टाळतात आणि या फुलपाखरांचे संरक्षण होते.

या प्रजातींचे अजून एक वैशिष्ट्य म्हणजे यांचे पावसाळी प्रदेशातून शुष्क प्रदेशाकडे चालणारे स्थलांतर. अति पावसाच्या काळात ही फुलपाखरे जास्त पावसाच्या प्रदेशातून कमी पावसाकडे प्रयाण करतात. संध्याकाळच्या वेळी यांचे एकत्रित अनेक फुलपाखरं असणारे थवे आपल्याला झाडांवर विश्रांती घेताना दिसू शकतात. खुळखुळा प्रजातींच्या वनस्पतींशी या कुळाचे विशेष नाते आहे. खुळखुळा वनस्पतीच्या विविध भागातून रसायने मिळवण्यासाठी टायगर आणि क्रो फुलपाखरे जमा झालेली दिसतात. यांच्या या गुणधर्माचा इतर फुलपाखरांनी फायदा उचललेला दिसतो . टायगर कुळातील फुलपाखरांशी साधर्म्य दाखवून मिमिक्री करून ही फुलपाखरे आपले भक्षकांपासून संरक्षण करतात. उदा plain tiger and danaid eggfly female.; Glassy tiger and common wandrer female.

Related posts

वणवा : प्रवृत्ती जळायला हवी !

जगातील सर्वात महागडा आंबा – जपानचा मियाझाकी

साखर हंगाम 2021-22 मध्ये 5000 लाख मेट्रिक टनापेक्षा (LMT)अधिक उसाचे उत्पादन

Leave a Comment