July 23, 2024
Donot forget father poem by seema mangrule tavte
Home » विसरू नको बापाला…
कविता

विसरू नको बापाला…

विसरू नको बापाला…सीमा मंगरूळे तवटे, वडूज सातारा यांची कविता

बाप डे येताच
येई बापाची आठवण
भरभरून सांगताना प्रत्येक
प्रसंगाची होई साठवण….

बापाविषयी लिहीताना मात्र
शब्द नेहमीच पडतात अपूरे
मोजमाप करता येत नाही
जसे भासे आकाशातील तारे…

याच बापाचे हाल का
होतात मग म्हातारपणी
मुलांचा संसार सुरू होताच
वाढतात कशा अडचणी…

बालपणी आपला वाटणारा बाप
पंख फुटताच होत जातो वैरी
विसरुनी सारी माया त्याची
फिरायला लावतो दारोदारी…

वाट दाखवतो वृद्धाश्रमाची
जाणिव नसे जबाबदारीची
एवढा होई अंध संसारी
होत नाही आठवण त्याच्या प्रेमाची…

होत असतो तोही बाप
फिरुनी वेळ हीच येणार
जैसी करणी वैसी भरणी
आपलेही दिवस एक दिवस फिरणार….

आता तरी जागा होऊन
बघ बापाच्या डोळ्यात
तुझ्या आधाराची काठी
आस लावून बसलाय मनात….


Discover more from इये मराठीचिये नगरी

Subscribe to get the latest posts sent to your email.

Related posts

शेतमालावर निर्जलीकरण प्रक्रियेसाठी यंत्रणा उभी करण्याची गरज

मन हा मोगरा !

मेधा पाटकर यांच्यावरील अटकेचा आदेश म्हणजे न्यायाची थट्टा

Leave a Comment

श्री अथर्व प्रकाशनचे इये मराठीचिये नगरी हे मिडिया व्यासपिठ आहे. अध्यात्म, शेती, पर्यावरण, ग्रामीण विकास यासह आता पर्यटन, राजकारण, समाजकारण, नवं संशोधन, साहित्य, मनोरंजन, आरोग्य आदी विषयांना वाहून घेतलेले हे न्युज पोर्टल आहे. संपर्कः श्री अथर्व प्रकाशन, 157, साळोखेनगर, कळंबा रोड, कोल्हापूर 416007 मोबाईलः 9011087406 WhatsApp - 8999732685, 9011087406

Discover more from इये मराठीचिये नगरी

Subscribe now to keep reading and get access to the full archive.

Continue reading