खामगाव – येथील सहकार महर्षी स्व. भास्करराव शिंगणे कला महाविद्यालयाच्यावतीने वैखरी राज्य साहित्य पुरस्कार – २०२५ चे आयोजन केले आहे. यासाठी साहित्यकृती पाठविण्याचे आवाहन मुख्य संयोजक प्रा. डॉ.सुनील पवार यांनी केले आहे.
साहित्य अकादमी पुरस्कार प्राप्त साहित्यिकास राष्ट्रसंत तुकडोजी महाराज जीवन गौरव पुरस्कार, विशेष साहित्यिक योगदानास सहकार महर्षी भास्करराव शिंगणे स्मृती जीवनगौरव पुरस्कार, कांदबरीसाठी स्व. प्रभावती भास्करराव शिंगणे स्मृती पुरस्कार, कवितासंग्रहासाठी प्राचार्य स्व. गो. पु. देशमुख स्मृती पुरस्कार देण्यात येणार आहेत. तर श्रीमती स्व. शालिनीताई देशमुख स्मृती पुरस्कार विदर्भप्रांतातील कोणत्याही एका साहित्यकृतीस देण्यात येणार आहे. या पुरस्काराचे स्वरूप प्रत्येकी 11,000 ₹ रोख, सन्मानचिन्ह व मानपत्र असे आहे.
लेखक, प्रकाशकांनी 1 जानेवारी 2025 ते 31 डिसेंबर 2025 या कालावधीत प्रकाशित झालेल्या पुस्तकांच्या तीन प्रती, अल्पपरिचय व फोटो 31 जानेवारी 2026 पूर्वी पाठवाव्यात, असे आवाहन संयोजकांच्यावतीने करण्यात आले आहे.
प्रवेशिका पाठविण्याचा पत्ता :
प्राचार्य, सहकार महर्षी स्व. भास्करराव शिंगणे कला महाविद्यालय,
शेलोडी रोड खामगाव, तालुका खामगाव
जिल्हा बुलढाणा 444303
संपर्क: ९८८१८५१४१३
