पुणे – तेर पॉलिसी सेंटर आणि स्नेहवर्धन रिसर्च इन्स्टिट्यूट व ब्रिक्स वर्ल्ड ट्रेडिशन मास्को रुस यांच्यावतीने २७वी आंतरराष्ट्रीय बहुविषयक परिषद १० फेब्रुवारी २०२५ रोजी आयोजित करण्यात आली आहे. ही परिषद राष्ट्रीय आणि आंतरराष्ट्रीय स्तरावर शहरीकरणाचे परिणाम, राष्ट्रीय आणि आंतरराष्ट्रीय स्तरावर पाणी आणि हवेच्या प्रदूषणाचे स्वरूप या दोन महत्त्वपूर्ण विषयावर होत आहे. कोथरूड येथील कोन्फरन्स हॉलमध्ये ही परिषद होणार असून, विविध क्षेत्रातील संशोधक, विद्वान आणि तज्ज्ञांची उपस्थिती अपेक्षित आहे.
शहरीकरण आणि प्रदूषण या विषयांवर अनेक पैलूंमधून विचारमंथनासाठी शोधनिबंध मागविण्यात आले आहेत. वाढत्या शहरीकरणाचे देश आणि विदेशातील परिणाम किंवा देश आणि विदेशातील जल, वायू प्रदूषण यांचे स्वरुप या विषयावर विविध क्षेत्रातील अभ्यासकांना या परिषदेसाठी संशोधनपत्रे सादर करण्याचे आवाहन करण्यात आले आहे.
हा शोधनिबंध १२०० शब्दात इंग्रजी, मराठी किंवा हिंदीत सादर करता येईल. विशिष्ट फॉर्मॅटसह सादर करणे आवश्यक आहे. यासाठी नोंदणी शुल्क ₹१५०० असून यामध्ये भोजन व ISBN क्रमांकासह पुस्तकाचा समावेश आहे. संशोधनपत्र सादर करण्याची अंतिम तारीख: १५ जानेवारी २०२५. असून अधिक माहितीसाठी मोबाईल -9423643131 किंवा 9075081888 ईमेल: snehaltawre@gmail.com या संपर्क साधण्याचे आवाहन आयोजकांच्यावतीने करण्यात आले आहे.
Discover more from इये मराठीचिये नगरी
Subscribe to get the latest posts sent to your email.
