मुंबई : राज्य प्रशासकीय व्यवसाय शिक्षण संस्था, मुंबईच्या सुवर्ण महोत्सवी वर्षात भारतीय वनसेवा (IFS) परीक्षेच्या निकालात संस्थेच्या विद्यार्थ्यांनी उल्लेखनीय यश संपादन केले आहे. केंद्रीय लोकसेवा आयोगामार्फत (UPSC) घेण्यात आलेल्या भारतीय वनसेवा परीक्षेत संस्थेच्या १४ विद्यार्थ्यांनी यश मिळविले आहे. यापूर्वी याच वर्षी UPSC नागरी सेवा (CSE) परीक्षेतही संस्थेचे २२ हून अधिक विद्यार्थी यशस्वी ठरले होते.
भारतीय वनसेवा परीक्षेच्या ऑनलाईन अभिरूप मुलाखतीचे आयोजन राज्य प्रशासकीय व्यवसाय शिक्षण संस्थेत १० मार्च २०२६ ते १ एप्रिल २०२६ या कालावधीत करण्यात आले होते. या उपक्रमाचा लाभ तब्बल ४५ विद्यार्थ्यांनी घेतला.
मुलाखत पॅनलमध्ये डॉ. रविकिरण गोवेकर (अपर प्रधान मुख्य वनसंरक्षक – कांदळवन कक्ष), श्रीमती पियुषा जगताप (सर्वोच्च न्यायालयाच्या केंद्रीय सक्षम समितीच्या सदस्या), डॉ. तोशिबा शिंदे (IRPS, संचालक, DARPG, नवी दिल्ली), श्री. उदय आव्हाड (उपविभागीय वन अधिकारी/सहाय्यक वनसंरक्षक, टिपेश्वर अभयारण्य, यवतमाळ), डॉ. आयुष कृष्णा (भा. व. से.), श्रीमती प्रांजल चोपडा (परिविक्षाधीन भा. व. से., अमरावती वन विभाग), तसेच श्री. प्रविण चव्हाण, श्री. भूषण देशमुख, श्री. गणेश शेट्टी आणि संस्थेच्या संचालक प्रा. डॉ. भावना पाटोळे (कासार) यांचा समावेश होता.
देशपातळीवरील केंद्रीय लोकसेवा आयोगाच्या परीक्षांमध्ये मराठी विद्यार्थ्यांचे प्रमाण वाढावे, या उद्देशाने अभिरूप मुलाखती व मार्गदर्शन सत्रांचे आयोजन करण्यात आल्याची माहिती प्रा. डॉ. भावना पाटोळे (कासार) यांनी दिली.
८ मे २०२६ रोजी घोषित झालेल्या निकालात यशस्वी ठरलेले विद्यार्थी पुढीलप्रमाणे :
सुमती कदम – २६ वा क्रमांक
सुशांत वडवकर – ३१ वा क्रमांक
हर्षल बोटे – ४१ वा क्रमांक
मोहिनी जगताप – ४६ वा क्रमांक
रोहित पवार – ६९ वा क्रमांक
सोहम शेंडे – ७५ वा क्रमांक
अक्षय पवार – ८१ वा क्रमांक
शुभम पाटील – ९४ वा क्रमांक
ओंकार पवार – ९६ वा क्रमांक
प्रतिक कुशारे – १०० वा क्रमांक
अभिषेक कट्टे – १०७ वा क्रमांक
सारंग आस्तर – ११६ वा क्रमांक
विनायक धुमाळ – १३२ वा क्रमांक
अक्षय बारहे – १४० वा क्रमांक
गेल्या वर्षापासून सुरू करण्यात आलेल्या या उपक्रमाला विद्यार्थ्यांकडून चांगला प्रतिसाद मिळत असून, यंदाच्या यशामुळे संस्थेच्या मार्गदर्शन कार्याला आणखी बळ मिळाल्याचे बोलले जात आहे.
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
