पांढरी शुभ्र चवर
निळी तांबडी आभाळी
आकाशाची निलीमा पांघरून
फुललीय हिरवी फिकटशी निसुर्डी..

पिवळीधम्मक सोनकी
जांभळ्या छटांची कारवी
सीतेची आसावे पिऊन जन्मली
पंद, आषाढ आमरी..

नाजूक साजूक काप्रू, कावळा
तारागुच्छ नि तुतारी
वायतुऱ्याची नक्षी बहरदार
नववधूगत नटली मंजिरी

पान तेरडा सखा बिलोरी
मैत्रिणी केंदा अन् कुमुदिनी
गवती, धावड, अबोलीमा
सजली गौरीहार घालून गुलमेंदी

एक दिसाची निलकंठ पाहुणी
माझ्या मनास जाते भारावुनी
तिरमिरी, भांगरी, शतावरी
सवें सुनकी, चिमती, पाषाणी..

विघ्नहर्त्याचा वरद हस्त
नीलकानी शोभे साज शृंगार
सारिकाच्या हास्यात दडे जणू
“कास”ची ही दैदीप्य आरास..
“कास”ची ही दैदीप्य आरास..

कवयित्री – सारिका टेकाळे
( डांगे चौक, पुणे – पिंपरी चिंचवड )

मो. नं. – 7588680092