टिचभर पोटासाठी
टिचभर पोटासाठी
काय काय करतात
भविष्याच्या आशेवर
जितेपनी मरतात !!
टिचभर पोटासाठी
खोटंनाट बोलतात
देवाच्या नावानं कुणी
भक्तांस फसवतात !!
टिचभर पोटासाठी
हे काय काय खातात
पैसा, जमीन बंगला
सारं काही पचोतात !!
टिचभर पोटासाठी
हे हप्ता पण खातात
हरामी कमाईतून
हाय फाय राह्यतात !!
टिचभर पोटासाठी
भ्रष्टाचार करतात
नेता,अधिकारी, दलाल
ह्या देशाले लुटतात !!
टिचभर पोटामंदी
सारचं काही लपते
कुणी खातोय तुपाशी
कुणी उपाशी झोपते !!
टिचभर पोटासाठी
एक भाकर लागते
तरीपण हा माणूस
असा कसा हो वागते ???
✍️वासुदेव महादेवराव खोपडे,
सहा पोलीस उपनिरीक्षक(सेनि)
अकोला 9923488556
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
मराठी विचारांची डिजिटल नगरी
