कोल्हापूर – शिवाजी विद्यापीठाच्या स्पर्धा परीक्षा मार्गदर्शन केंद्रासाठी प्रवेश प्रक्रिया सुरू झाली आहे, अशी माहिती संचालक डॉ. प्रकाश कांबळे यांनी दिली आहे.
शिवाजी विद्यापीठ स्पर्धा परीक्षा मार्गदर्शन केंद्रात सन २०२५-२६ या शैक्षणिक वर्षासाठी विद्यापीठ अनुदान आयोग, यु.जी.सी. नवी दिल्ली योजनेअंतर्गत एस.सी, एस.टी, ओबीसी, ई.डब्ल्यू.एस (नॉन क्रिमीलेयर) व अल्पसंख्याक (मुस्लिम, ख्रिश्चन, शीख, बौद्ध, आणि जैन) आणि खुल्या गटातील (SC/ST/OBC/SEBC/EWS/OPEN/ Minority Community) विद्यार्थ्याकरिता प्रवेश परीक्षा अर्ज ऑफलाईन पध्दतीने मागविण्यात येत आहेत.
हे अर्ज शिवाजी विद्यापीठाच्या संकेतस्थ्ळावर (www.unishivaji.ac.in) युजीसी सेंटर फॉर कोचिंग फॉर कॉम्पेटिटिव्ह एक्झामिनेशन्स् (UGC Center For Coaching for Competitive Examination) वर उपलब्ध् आहेत. तसेच प्रवेश परीक्षा अर्ज केंद्राच्या कार्यालयात उपलब्ध् आहेत. २१ ऑगस्ट २०२५ पासून ३० ऑगस्ट २०२५ पर्यन्त प्रवेश अर्ज आवश्यक कागदपत्रासहित केंद्राच्या कार्यालयात सकाळी १०.३० ते सायं. ६.०० पर्यन्त जमा करावेत. प्रवेश परीक्षा ९ सप्टेंबर २०२५ रोजी सायं ४.०० ते ५.३० या वेळेत ऑफलाईन पद्धतीने स्पर्धा परीक्षा मार्गदर्शन केंद्र, मानव्यशास्त्र इमारत, शिवाजी विद्यापीठात घेण्यात येईल याची नोंद घ्यावी, असे संचालक डॉ. कांबळे यांनी कळविले आहे.
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
