आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.
माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.
भारतीय उत्तर महासागरीय क्षेत्रात म्हणजे वि्षुववृत्तच्या उत्तरेकडील असलेल्या अरबी समुद्र व बंगालच्या उपसागरात तयार होणारी उष्णकटीबंधीय चक्रीवादळानाच नांवे दिली जातात. ही नांवे ह्या समुद्र सभोंवताली असलेले पण जागतिक हवामान संघटनेचे सदस्य असलेल्या देशाकडून सुचवली जातात. सभोंवतालच्या १३ देशांची नांवे अल्फबेट नुसार अशी आहेत.
बांगलादेश, भारत, इराण, मालदीव, म्यानमार, ओमान, पाकिस्तान, कतार, सौदी-अरबस्तान, श्रीलंका, थायलंड, संयुक्त अरब अमीरात व येमेन अश्या १३ आशियाई देशांनी एकत्रित येऊन त्यांच्या प्रादेशिक भाषेत चक्रीवादळ संबंधी सुचवलेली नांवे व बनवलेली यादीनुसार अनुक्रमानुसार चक्रीवादळाला नांव दिले जाते.
इंग्रजी अल्फाबेट नुसार १३ देशांची नांवे एका खाली एक पहिल्या कॉलम मध्ये लिहिली जातात. तर प्रत्येक देशाने सुचवलेली नांवे त्या त्या देशासमोर एका रेषेत लिहिली जातात.
आता आलेल्या चक्रीवादळासाठी थायलंड देशाने सुचवलेल्या ‘ मोंथा ‘ नांव दिले आहे. मोंथा ‘ चा ‘थाई’ भाषेतील अर्थ म्हणजे ‘ सुवासिक फुल ‘ होय. ह्या पूर्वीच्या चक्रीवादळाला श्रीलंकेने सुचवलेले ‘शक्ती ‘ नांव दिले होते. मोंथा नंतर येणाऱ्या चक्रीवादळाला संयुक्त अरब अमीरात देशाने सुचवलेले ‘ सेन- यार ‘ म्हणजे ‘ सिंह ‘ असा अर्थ असलेले नांव दिले जाईल.
