रिंगण
चालती वारकरी
वाट पंढरीची
घरदार सोडती
मनी आस भेटीची….
मिळे भक्तगणा प्रसाद
देते जन सारे
पुण्य पदरी पडे
चित्र दिसे न्यारे….
कधी घालूनी रिंगण
पाहे सोहळा डोळा भरून
येई घोडा उधळत
जाई पारणे फिटून….
पहावया भक्तीचा देखावा
भक्तगण लाखोंनी येतात
भक्तीरसात दंग होऊनी
टाळ,मृदुंगात दंग होतात…
दर्शन घेता विठूरायाचे
धन्य,धन्य होई जीवन
आता नको काही देवा
झालो आम्ही पावन…
सीमा मंगरूळे तवटे, वडूज
Discover more from इये मराठीचिये नगरी
Subscribe to get the latest posts sent to your email.
