आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.

माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.

मध्य व वायव्य बंगाल उपसागरादरम्यान स्पष्ट व ठळक आकारात रूपांतर झालेल्या हवेच्या कमी दाबाचे उद्या (शनिवारी २७ ला) सकाळ पर्यन्त हवेच्या तीव्र  कमी दाबात रूपांतराची व चंद्रपूर, हिंगोली, पैठण, अहिल्यानगर मार्गे मुंबईकडे मार्गक्रमनाच्या शक्यतेमुळे संपूर्ण महाराष्ट्रात उद्यापासुन म्हणजे शनिवार दि. २७ सप्टेंबरपासुन दसऱ्यापर्यंतच्या ६ दिवसात जोरदार पावसाची शक्यता निर्माण झाली आहे.

अतिजोरदार पावसाचे जिल्हे व तारखा अशा…

शनिवार दि. २७- मुंबई, ठाणे, रायगड, रत्नागिरी, सिंधुदुर्ग व पुणे, सातारा, कोल्हापूर जिल्ह्याचा घाटमाथा व धाराशिव, लातूर, नांदेड.

रविवार दि. २८- मुंबई, पालघर, ठाणे, रायगड, रत्नागिरी, सिंधुदुर्ग ,नाशिक, छ. सं. नगर व पुणे, सातारा, कोल्हापूर जिल्ह्याचा घाटमाथा

सोमवार व मंगळवार दि. २९ व ३० -मुंबई, पालघर, ठाणे, रायगड व नाशिक, पुणे, सातारा, कोल्हापूर जिल्ह्याचा घाटमाथा

उघडीपीची शक्यता- शुक्रवार दि. ३ ऑक्टोबर पासुन पूर्णतः नव्हे परंतु काहीशी उघडीपीची शक्यता जाणवते.

नद्यांच्या खोऱ्यातील जल आवक व धरण जल -संचय –
सह्याद्रीच्या घाटमाथ्यावर उगम पावणाऱ्या महाराष्ट्रातील नद्यांच्या खोऱ्यात  मध्यम ते जोरदार पावसाच्या शक्यतेमुळे ह्या नद्यांच्या  धरणातून पात्रात पुन्हा एकदा पूर पाण्याच्या विसर्गाची शक्यता जाणवते.