सध्याचे तापमान सरासरी इतकेच !

आपल्याही मनात हवामानाविषयी काही शंका असतील. पाऊस, पाणी व शेती संबंधी प्रश्न असतील तर जरूर कमेंटमध्ये लिहा. त्यात आपले नाव व नंबर लिहायला विसरू नका. आपल्या प्रश्नांची अभ्यासपूर्ण उत्तरे देऊ.

माणिकराव खुळे,
जेष्ठ सेवानिवृत्त हवामान तज्ञ, भारतीय हवामान खाते पुणे.
९४२३२१७४९५, ९४२२०५९०६२.

मुंबईसह कोकण वगळता महाराष्ट्रात सध्या जाणवत असलेले काहीसे ढगाळ वातावरण, शनिवार ( ३ मे ) पर्यन्त म्हणजे आठवडाभर अजुन जाणवेल. पावसाची शक्यता मात्र किरकोळच समजावी. असे वाटते.

विदर्भ व मराठवाडा वगळता महाराष्ट्रात सध्या दुपारचे कमाल तापमान हे ३८ ते ४० तर विदर्भ व मराठवाड्यात मात्र भाग  बदलत ४० ते ४२ डिग्री दरम्यान जाणवत आहे. जाणवणारे तापमान हे सरासरी इतकेच समजावे. शनिवार ( ३ मे ) पर्यन्त म्हणजे आठवडाभर ह्या तापमानात एक दोन डिग्रीने वाढीची शक्यताही नाकारता येत नाही.
                 रात्रीचा उकाडा व उष्णतेच्या लाटेची शक्यता महाराष्ट्रात मात्र ह्या आठवड्यात अजूनही जाणवणार नाही, असे वाटते. वारा वहनाच्या शांततेतून मराठवाड्यातील ८ जिल्ह्यात मात्र उष्ण व दमट पणा ह्या आठवड्यात जाणवू शकतो, असे वाटते. थोडक्यात कोणत्याही टोकाच्या वातावरणाची शक्यता सध्या महाराष्ट्रात नाही.