आली दिवाळी अंगणी
आकाशीचा चंद्र आज
मी बांधला माझ्या दारी
दारात ग ह्या उतरल्या
चांदण्या रंगीत भारी
जीव उजळला कसा
दिवा उजेड पाहून
सुगंध दरवळतो
मनी चंदन होऊन
आरास झेंडू फुलांचा
मंडप बांधला कोणी
साडी रेशमी नेसून
दिवाळी आली अंगणी
नितळ कायेचा साज
उटणे आणि अत्तर
लाडू, चकली, करंजी
भूक चेताळते फार
येता दीपावली सण
जाते हरकून मन
आनंद उत्साह असा
वाहतो ग ओसंडून
राजा माळगी 94 21 71 13 67
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
मराठी विचारांची डिजिटल नगरी
