सोलापूर – जिल्ह्यातील वडशिवणे, ( ता – करमाळा ) येथील विश्वकर्मा तरुण मंडळाच्यावतीने ग्रामीण लोकमानस आणि लोक संस्कृतीचे प्रतिबिंब असलेल्या मराठीतील दर्जेदार साहित्यकृतींना गावगाडा साहित्य पुरस्कार दरवर्षी देण्यात येतो. यंदा या पुरस्काराचे 16 वे वर्ष आहे.
यावर्षी 1 जानेवारी 2024 ते 31 डिसेंबर 2025 या कालावधीत प्रकाशित झालेले कथासंग्रह, तसेच साहित्यकृतीच्या दोन प्रती, अल्पपरिचय आणि फोटो या पुरस्कारासाठी पाठवाव्यात. या पुरस्काराचे स्वरूप रोख रक्कम, स्मृतिचिन्ह व सन्मानपत्र असे असून साहित्यिकांनी 10 मार्च 2026 पर्यंत आपले साहित्य पाठवून द्यावे.
यापूर्वी हा पुरस्कार भागवत बावळे (2011), प्रा. डॅा. अर्जुन होटकर (2012), कल्पना दुधाळ 2013, पार्थ पोळके (2014), सतीश दराडे (2015), ऐश्वर्य पाटेकर (2016), रावसाहेब कुंवर (2017), तुकाराम पाटील (2018), दिनकर कुटे (2019), जयदीप विघ्ने (2020), हरिश्चंद्र पाटील (2021), डॉ. कालिदास शिंदे/बाबुराव इंगळे (२०२२), तान्हाजी बोऱ्हाडे (2023), प्रकाश सोनाळकर (2024), मारोती मानेमोड (2025) या मान्यवर साहित्यिकांना देण्यात आलेला आहे. तरी साहित्यिकांनी आपले साहित्य सोमनाथ मधुकर टकले, मु. पो – वडशिवणे, ता – करमाळा, जि – सोलापूर पिन – 413223 मोबाईल – 9699760802 या पत्त्यावर पाठवून द्यावे अशी माहिती विश्वकर्मा तरुण मंडळाचे अध्यक्ष सोमनाथ मधुकर टकले यांनी दिली. यावेळी दिनेश आदलिंगे, डॉ. जनार्दन भोसले, दत्तात्रय पिसाळ, बाबुराव इंगळे हे उपस्थित होते.
