तुम्हीच सांगा, अध्यक्ष महोदय
राजकारण केव्हा करायचं..?
धरण फुटल्यावर
की खेकडे पोसल्यावर
कोरड्या धरणात नेता मुतल्यावर
की पक्षांतर करुन
नेता तांदळासारखा धुतल्यावर
का सोयाबीन, कापूस, कांदा
चाळीत सडल्यावर
तुम्हीच सांगा, अध्यक्ष महोदय
राजकारण केव्हा करायचं…?
एमपीएससी युपीसीच्या
बट्ट्याबोळ झाल्यावर
की पेपर फुटल्यावर
की पेपर फुटायच्या आधी
रस्ता बांधताना
खड्डे पडल्यावर
की ब्रिज ढासळल्यावर
पुतळे उभारताना
की पुतळे पडल्यावर
तुम्हीच सांगा, अध्यक्ष महोदय
राजकारण केव्हा करायचं…?
ड्रग्ज सापडल्यावर
की लपवल्यावर
एफ. आय. आर.
नोंदवायच्या आधी की नोंदवल्यावर
पोलिसांनी, शिक्षकांनी
अधिकाऱ्यांनी, डाॅक्टरांनी
विनयभंग केल्यावर
बलात्काराच्या आधी
की बलात्कार झाल्यावर
तुम्हीच सांगा, अध्यक्ष महोदय
राजकारण केव्हा करायचं…?
शिवाजी सातपुते मोबाईल – 9075702789
