मुंबई – येथील मराठा मंदिर गेल्या सात दशकांपासून महाराष्ट्रभर शैक्षणिक, वैद्यकीय, सामाजिक तसेच कला आणि साहित्य क्षेत्रातील कार्यरत अशी अग्रणी संस्था आहे. अशा संस्थेला ७९ वर्ष पूर्ण झाली आहेत. या संस्थेच्या साहित्य शाखेतर्फे नवोदित साहित्यिकांच्या कलाकृतींना प्रोत्साहित करण्याच्या उद्देशाने साहित्यिकांच्या प्रथम प्रकाशनासाठी पुरस्कार व सन्मानचिन्ह देण्यात येते. पुरस्काराचे हे यंदाचे आठवे वर्ष आहे.
०१ जानेवारी २०२४ ते ३१ डिसेंबर २०२४ या कालावधीत प्रकाशित कांदबरी, कथासंग्रह, काव्यसंग्रह, समिक्षणात्मक ग्रंथ, बालवाङ्मय, संशोधनात्मक ग्रंथ, चरित्र (आत्मचरित्र / व्यक्तिचित्रण), प्रवासवर्णन, ललित वाङ्मय, मराठी साहित्यातील अन्य कोणताही प्रकार या पुरस्कार योजनेसाठी पात्र असेल. मान्यवर साहित्यिकांकडून या पुस्तकांचे परिक्षण केले जाणारा आहे. यासाठी प्रथम प्रकाशित पुस्तके ३१ मे २०२५ पूर्वी संस्थेच्या पत्त्यावर पाठविण्यात यावीत, असे आवाहन मराठा मंदिर साहित्य शाखेतर्फे करण्यात आले आहे.
पुस्तके पाठविण्याचा पत्ता –
डॉ. नितीन श्रीकृष्ण विचारे,
अध्यक्ष, मराठा मंदिर साहित्य शाखा, ३रा मजला, मराठा मंदिर इमारत, मराठा मंदिर मार्ग, बाबासाहेब गावडे चौक, मुंबई ४०० ००८.
दूरध्वनी क्र. ०२२-६६०४४१५० / भ्रमणध्वनी – ९३२४९४२३७७,
ई-मेल – marathamandir@hotmail.com
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
