महाराष्ट्रात ढगाळ वातावरणासह पावसाची शक्यता

अवकाळीचे वातावरण

मुंबईसह कोकण वगळता महाराष्ट्रातील २९ जिल्ह्यात उद्या (ता. ३० मार्चला) ढगाळ वातावरणासहित तुरळक ठिकाणी अगदीच किरकोळ पावसाची शक्यता जाणवते.

उष्णतेची लाट-

विदर्भातील ११ जिल्ह्यात आज व उद्या (ता. २९ व ३० मार्चला) दोन दिवस भाग बदलत उष्णतेच्या लाटेची शक्यता जाणवते. संपूर्ण विदर्भ व मध्य महाराष्ट्र व मराठवाड्यातील भाग बदलत काही ठिकाणी दुपारी ३ चे कमाल तापमान हे ४० ते ४२ डिग्री से. ग्रेड च्या श्रेणीत जाणवत असुन ते सरासरी कमाल तापमानापेक्षा ३ ते ४ डिग्रीने अधिक आहे.

रात्रीचा उकाडा-

मुंबईसह कोकण वगळता महाराष्ट्रातील २९ जिल्ह्यात आज व उद्या (ता. २९ व ३० मार्चला) दोन दिवस दिवसा चांगलीच उष्णतेची काहिली तर रात्री उकाडा जाणवू शकतो.

किनारपट्टीवरील दमटयुक्त उष्णता-

मुंबईसह कोकणातील ७ जिल्ह्यात तसेच लगतच्या गोवा व गुजराथ राज्यात आज व उद्या (२९-३० मार्चला) दोन दिवस दिवसा दमटयुक्त उष्णतेचा अनुभव येईल.

माणिकराव खुळे, हवामान तज्ज्ञ