“द लास्ट फोकटेल” इंग्रजी कादंबरीचे प्रकाशन ४ ऑक्टोबरला
मुंबई : मराठी कादंबरी “शेवटची लाओग्राफिया” चा इंग्रजी अनुवाद “The Last Folktale” या पुस्तकाचे प्रकाशन शनिवारी, ४ ऑक्टोबर रोजी मुंबईत होत आहे. के. जे. सोमैया कॉलेज ऑफ आर्ट्स अँड कॉमर्स, विद्याविहार व मुंबई विद्यापीठाच्या इंग्रजी विभागाच्यावतीने हा कार्यक्रम आयोजित केला आहे.
लेखक, कवी, गझलकार, समीक्षक, संपादक, गीतकार, अनुवादक, संशोधक प्रा. डॉ. बाळासाहेब लबडे यांच्या “शेवटची लाओग्राफिया” कादंबरीचे इंग्रजी भाषांतर प्रा. डॉ. विलास साळुंखे यांनी केले आहे. या पुस्तकाचे प्रकाशन व English Athenaeum – KJSAC चे उद्घाटन कवी, लेखक व अनुवादक तसेच साहित्य अकादमी पुरस्कार व विंडहॅम-कॅम्पबेल पुरस्कार विजेते श्री. जेरी पिंटो यांच्या हस्ते होणार आहे.
या कार्यक्रमात लेखक डॉ. लक्ष्मीकांत देशमुख, साहित्य अकादमी पुरस्कार विजेते लेखक भारत सासणे तसेच अनुवादक डॉ. विलास साळुंखे प्रमुख पाहुणे म्हणून उपस्थित राहतील.
शनिवारी ४ ऑक्टोबर २०२५ रोजी सकाळी ११ वाजता के. जे. सोमैया कॉलेज ऑफ आर्ट्स अँड कॉमर्स, विद्याविहार, मुंबई येथील कॉन्फरन्स रूममध्ये होणार आहे असे प्राचार्य किसन पवार आणि मुंबई विद्यापीठ इंग्रजी विभाग प्रमुख डॉ. सचिन लबडे यांनी कळविले आहे.
डॉ. बाळासाहेब लबडे यांची आतापर्यंत अठरा पुस्तके प्रकाशित झालेली आहेत. यात ४ कवितासंग्रह, ४ कादंबऱ्या, ३ समीक्षा ग्रंथ आणि ६ संपादित १ अनुवादित पुस्तकाचा समावेश या कलाकृतींना राज्य राष्ट्रीय पातळीवरील 40 पुरस्कार प्राप्त झालेले आहेत.
