कर्जात जन्मलो आम्ही… हा गोविंद पाटील यांचा कवितासंग्रह लवकरच आपल्या भेटीला येत आहे. यातील ही कविता…
बाप
माझ्या रानच्या कुशीत
बैलजोडीला जपून…
माझा बाप झिजतो गा
उरी जखमा लिपून…..
घेतो नांगराशी झटी
अटीतटीची हाहून…
काळ्या आईच्या कंठात
येई हुंदका दाटून……
उफराट्या कष्टाला त्या
हासहासते दुनिया……
रगताच्या चिखलात
खुला रूजवितो दिया…..
अंकुराला फास येता
बाप लावी गळफास…..
भेगाळते जमीन जी
त्याचा दुखाची आरास….
गोविंद पाटील
