सोलापूर – येथील अखिल भारतीय साने गुरूजी कथामाला जिल्हा समितीच्यावतीने पुरस्कारासाठी बालसाहित्य पाठविण्याचे आवाहन करण्यात आले आहे, अशी माहिती अध्यक्ष अशोक खानापूरे यांनी दिली आहे.
अखिल भारतीय साने गुरुजी कथामाला, जिल्हा समितीच्या वतीने सन-२०२४ या वर्षात प्रकाशभाई मोहाडीकर स्मृती बालसाहित्य सेवा पुरस्कार-२०२४ व निर्मला मठपती स्मृती बालसाहित्य सेवा पुरस्कार-२०२४ देण्यात येणार आहे. प्रत्येकी २५०० रुपये रोख, स्मृतिचिन्ह व सन्मानपत्र असे या पुरस्काराचे स्वरूप आहे. यासाठी बालसाहित्य पाठवण्याचे आवाहन कथामालेतर्फे करण्यात आले आहे. या पुरस्कारासाठी १ जानेवारी २०२३ ते ३१ डिसेंबर २०२३ या कालावधीत प्रकाशित झालेले बालसाहित्य ३१ ऑगस्ट २०२४ पर्यंत पाठविण्यात यावे. अधिक माहितीसाठी अशोक खानापूरे यांच्याशी संपर्क साधावा.
पुस्तके पाठविण्याचा पत्ता –
अशोक भिमाशंकर खानापुरे,
अध्यक्ष, २१ बी, नंदीकेश नगर,
शेळगी, सोलापूर – ४१३००६ मोबाईल – ९४०३२९५००४
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
