पसायदान प्रतिष्ठान गुहागरचे राज्यस्तरीय पुरस्कार शरद तांदळे, झिंजाड, रमेश सरकटे, भास्कर हांडे यांना जाहीर
रत्नागिरी – गुहागर येथील पसायदान प्रतिष्ठानच्यावतीने नुकतेच राज्यस्तरीय कविता व कादंबरी पुरस्कार गुणवत्ताप्रधान कलाकृतींना जाहीर करण्यात आले आहेत. यामध्ये शरद तांदळे, झिंजाड, रमेश सरकटे, भास्कर हांडे यांच्या साहित्यकृतींचा समावेश आहे.
पसायदान राज्यस्तरीय उत्कृष्ठ काव्यसंग्रह पुरस्कार २०२३ भास्कर हांडे यांच्या संकरणातील गिरकी तसेच भुसावळ येथील गझलकार लेखक रमेश सरकाटे यांच्या या साहित्यकृतीस देण्यात आला आहे.
डॉ नागनाथ कोत्तापल्ले बहुचर्चित कादंबरी पुरस्कार 2023 देवा झिंजाड यांच्या एक भाकर तीन चुली या कादंबरीस देण्यात आला आहे तर डॉ नागनाथ कोत्तापल्ले बहुचर्चित सर्वोत्तम कादंबरी विशेष पुरस्कार शरद तांदळे यांच्या रावण : राजा राक्षसांचा या कादंबरीस देण्यात आला आहे.
लवकरच जागर साहित्य संम्मेलनात मान्यवरांच्या हस्ते रोख रक्कम तीन हजार ,सन्मानचिन्ह, सन्मानपत्र, शाल, श्रीफळ देऊन सन्मानित करण्यात येणार आहे.
