लाकडाचं जळणं
रंगा रंगांची उधळणं
म्हणे हर्षाचा दिन
आला होळीचा सण
शिशिराचं जाणं
वसंताचं आगमन
पुनवेच चांदणं
लखलखत्या ज्वाला
रणरणतं ऊन्हं
म्हणे हर्षाचा दिन
आला होळीचा सण
आजूबाजू रांगोळी
वर टांगल्या फुलांच्या माळी
नैवेद्य पुरणपोळी
संगे संसाराची झोळी
नाचत – गात वाजत – गाजत
पेटली होळी
होळीचे हे ऋण
कधी तुटेल तोरण
डोळा फिटेल पारणं
म्हणे हर्षाचा दिन
आला होळीचा सण
नको त्या बोंबा
मध्ये जळे कुठे बांबू
कुठे एरंडाचा खांबा
बाजू पेटल्या गोवऱ्या
ज्वाळा निघाल्या सासुरा
म्हणे पुन्हा परत येईन
तेच होळीचं मरण
म्हणे हर्षाचा दिन
आला होळीचा सण….
आला होळीचा सण….
कवी : चंद्रशेखर प्रभाकर कासार,
चांदवडकर , धुळे.
