काय मिळालं त्या पावसाला,
मिळालं काय त्या महापुराला ?
त्राही-त्राही झाली तना-मनांची साऱ्याच
आवरावे कसे आता जिवलगांच्या शोकाला ?
माझ्या माणसांच्या स्वप्नासह - घरकुलेही वाहून गेली
मोठ्या घरट्यातील जीवही बळी पडले थैमानाला!
कोणी कोणास आवरावे? कसे सावरावे ?
युध्दगती आली साऱ्या बांधवांच्या प्रयत्नाला
मोठया आकांताने जीव जीवांसाठी धावला
जणू शिव अल्लासाठी अन अल्ला शिवासाठी धावला
माणूस माणसासाठी धावला हा बोध मज पावला
माणसातील देव आज, देवासाठी माणसातील घावला !
या पुराने वाहून नेले यासह बरेच काही
अहंकारालाही नेले वाहून, नेले जाती धर्माला
आणिले मात्र जवळ त्याने मानवा मानवाला.
अन् पालवी फुटली महापुरातही माणुसकीच्या वटवृक्षाला
माणुसकीच्या वटवृक्षाला
कवी - सुजय सुंदरराव देसाई,
शिक्षक, म. दु. श्रेष्ठी समता हायस्कूल.
मो. ९७६२५३२२९१
काय मिळालं……?
