नाशिक : साहित्यकणा फाउंडेशनतर्फे ९ फेब्रुवारीला होणाऱ्या अकराव्या एकदिवसीय भव्य राज्यस्तरीय साहित्य संमेलनाला महाराष्ट्र राज्य साहित्य व संस्कृती मंडळाचे दोन लाखाचे अनुदान मिळाले असल्याची माहिती साहित्यकणा फाउंडेशनचे अध्यक्ष संजय द. गोराडे यांनी दिली आहे.
गेली दहा वर्षापासून साहित्यकणा फाउंडेशन संस्था लोक सहभागातून साहित्य संमेलन घेत आली आहे, यावेळी महाराष्ट्र राज्य साहित्य व संस्कृती मंडळाचे दोन लाखाचे अनुदान मिळाले आहे, त्यामुळे साहित्यकणा फाउंडेशन व महाराष्ट्र राज्य साहित्य आणि संस्कृती मंडळ यांच्यावतीने संमेलन घेणार असल्याचे अध्यक्षांनी सागितले. ते पुढे म्हणाले की, साहित्यकणा संस्था भाषा वाढीसाठी करत असलेले प्रयत्न व पारदर्शक व्यवहार यामुळे मंडळाचे अनुदान मिळाले आहे.
डोंगरे वसतिगृहाजवळ समर्थ मंगल कार्यालय, कॅनडा कॉर्नर येथे ९ फेब्रुवारीला राज्यस्तरीय संमेलन होणार असल्याचे सचिव विलास पंचभाई यांनी जाहीर केले, या संमेलनानिमित्त खुले कविसंमेलन, निमंत्रितांचे कविसंमेलन, चर्चासत्र, परिसंवाद, कथाकथन, वाड्मय व नाशिकभूषण पुरस्कार वितरण आदी भरगच्च कार्यक्रम होणार आहेत. संमेलनाला साहित्य रसिकांनी उपस्थित राहावे, असे आवाहन आयोजकांनी केले आहे.
इये मराठीचिये नगरी
मराठी साहित्य, संस्कृती, समाज आणि विचारांचे दर्जेदार लेख वाचण्यासाठी आमचे फेसबुक पेज फॉलो करा.
👍 Facebook Page Follow करा
